10 sáýir kúni IIM jáne oblystyq Polısııa departamentiniń Esirtki qylmysyna qarsy is-qımyl basqarmasynyń qyzmetkerleri birlese ótkizgen jedel-profılaktıkalyq shara kezinde “Batys Eýropa – Batys Qytaı” tas jolynyń Aral aýdanyndaǵy Shıjaǵa eldimekeni tusynda avtokólik toqtatyldy. Kúdikti kóringen kólikti tekserý kezinde artqy júk salǵyshtaǵy benzın bagynan birneshe plastık bótelke shyǵady. Saraptama qorytyndysy bul bótelkelerdegi jasyl shóptiń keptirilgen marıhýana men gashısh ekenin anyqtady.
Otyz alty jastaǵy kólik ıesi Jambyl oblysynyń turǵyny bolyp shyqty. Ol Aral aýdanyndaǵy polısııa bóliminiń ýaqytsha ustaý ızolııatoryna qamaýǵa alyndy. Qazir onyń ústinen QR QK 297-baby, 3-bóliginiń 3-tarmaǵymen sotqa deıingi tergeý amaldary júrip jatyr.
Qyzylorda oblysy
